திருமணத்துக்கு பிறகு மாதவிடாய் சரியா வரலியா? அலட்சியமா இருக்காதீங்க!

 

மாதவிடாய் சுழற்சி என்பது 28 நாட்களுக்கு ஒருமுறை வரக்கூடிய இயல்பான சுழற்சி. 

பெண் பிள்ளைகள் பூப்படைந்ததற்கு பிறகு மாதம் ஒருமுறை 28 நாட்களிலிருந்து 32 நாட்களுக்குள் வரக்கூடும். 

இதில் 24 நாட்களுக்கு முன்னதாக வந்தாலோ அல்லது 38 நாட்களுக்கு பிறகு வந்தாலோ அது கவனிக்க வேண்டியது. 

குறிப்பாக மூன்று மாதங்களாக தொடர்ந்து இந்த நிலை ஏற்ற இறக்கமாக இருந்தால் அது கவனிக்க வேண்டியதுதான். 

இதுதான் ஒழுங்கற்ற மாதவிடாய் என்று அழைக்கப்படுகிறது.

திருமணத்துக்கு பிறகு பெண்ணின் மாதவிடாய் சுழற்சி பாதிக்கப்படலாம் அதோடு மாதவிடாய் காலங்களிலும் சுழற்சி தசைப்பிடிப்பு, தலைவலி போன்ற அறிகுறிகளும் அதிகரிக்க கூடும் என்று சில ஆய்வுகள் தெரிவிக்கிறது.

ஒழுங்கற்ற மாதவிடாய்க்கு என்ன காரணங்கள் இருக்கலாம் என்று பார்க்கலாம். 

​மன அழுத்தம்

பொதுவாக பெண்கள் பலரும் திருமணத்துக்கு பிறகு மன அழுத்தத்தை எதிர்கொள்கிறார்கள். இது மறுக்க முடியாதது. 

பெண்கள் வாழும் சூழ்நிலை பொறுத்து இந்த அழுத்தமானது அதிகமாகவோ அல்லது குறைவாகவோ இருக்கலாம்.

மன அழுத்தமானது ஹார்மோன்களை தற்காலிகமாக மாற்றக்கூடிய அளவுக்கு தன்மை கொண்டது என்று ஆய்வுகள் சொல்கிறது.

புதிய வாழ்க்கை மற்றும் குடும்ப சூழ்நிலை மன அழுத்தத்தை உண்டாக்கினால் அது உங்கள் மாதவிடாய் சுழற்சியில் பாதிப்பை ஏற்படுத்தலாம்.

திருமணத்துக்கு பிறகு மாதவிடாய் கோளாறை அவ்வபோது சந்தித்தால் நீங்கள் மன அழுத்தத்திலிருந்து விடுபடுவதன் மூலம் மாதவிடாய் சுழற்சி சீராக இருக்கும்.

​வாழ்க்கை முறை மாற்றம்

இது அரிதானது என்றாலும் இவையும் மாதவிடாய் சுழற்சியில் மாற்றத்தை உண்டாக்கலாம்.

திருமணத்துக்கு பிறகு வாழ்க்கை முறை, தூக்க முறை, உணவு முறை இவை இரண்டுமே பூப்படைதலுக்கு பிறகு அதிக வேறுபாட்டை உடனடியாக சந்திக்கும் போது உடலில் மாற்றங்கள் உண்டாகலாம்.

இது அதிக மாற்றத்தை உண்டாக்காது என்றாலும் இதுவும் மாதவிடாய் சுழற்சியின் மாறுதலுக்கு காரணமாகலாம்.

​உடல் எடை அதிகரிப்பு

எடை அதிகரிப்பு என்பது திருமணத்துக்கு பிறகு பல பெண்களுக்கு உண்டாவதுதான்.

ஆண்களை விட பெண்கள் தான் திருமணத்துக்கு பிறகு அதிக எடை பெறுவதற்கான வாய்ப்புகள் அதிகம். 

உடல் எடை அதிகரிப்புக்கு காரணங்கள் மகிழ்ச்சியான சூழல், அதிகரித்த உணவு போன்றவையாக இருக்கலாம்.

உடல் எடை அதிகரிப்பால் ஒழுங்கற்ற மாதவிலக்கு உண்டாவதற்கு வாய்ப்புகள் அதிகம் உண்டு என்பது நிரூபிக்கப்பட்டுள்ளது.

உடல் கொழுப்பு அதிகரிக்கும் போது ஈஸ்ட்ரோஜன் அளவு பாதிக்கப்படுகிறது. குறைந்த கொழுப்பு கொண்டுள்ள பெண்களை காட்டிலும் அதிக கொழுப்பு உள்ள பெண்கள் அதிக ஈஸ்ட்ரோஜனை உற்பத்தி செய்கிறார்கள்.

இது ஒழுங்கற்ற மாதவிடாயை உண்டாக்க ஊடும்.

​பிறப்பு கட்டுப்பாட்டு மாத்திரை

பெண்கள் திருமணத்துக்கு பின்பு குழந்தைபேறை தள்ளிப்போட பிறப்பு கட்டுப்பாட்டு மாத்திரைகள் எடுத்துகொள்வார்கள்.

சில வகையான பிறப்பு கட்டுப்பாட்டு மாத்திரைகள் மாதவிடாய் சுழற்சியி ல் தாக்கத்தை உண்டாக்க கூடியது.

ஹார்மோன் பிறப்பு கட்டுப்பாட்டு தொடங்கிய அல்லது நிறுத்திய மூன்று முதல் ஆறு மாதங்களுக்குள் இந்த கோளாறு தொடங்கிவிடக்கூடும். 

உங்களுக்கு தொடர்ந்து பிரச்சனைகள் இருந்தால் பிறப்பு கட்டுப்பட்டு மாத்திரை குறித்து உங்கள் மருத்துவரோடு ஆலோசனை செய்வது நல்லது.

அதே நேரம் பிறப்பு கட்டுப்பாட்டு மாத்திரையை தவறவிடும் போதும் அதை நிறுத்தும் போதும் நீங்கள் கருத்தரிப்பதற்கான வாய்ப்புகள் உண்டு என்பதையும் கவனத்தில் கொள்ள வேண்டும்.

​கருவுற்றிருக்கலாம்

ஒழுங்கற்ற மாதவிடாய் பிரச்சனை உங்களது தவறவிட்ட கர்ப்பத்தையும் குறிக்கலாம். ஆனால் இது அவ்வபோது நிகழ வாய்ப்பில்லை.

கர்ப்பத்தின் ஆரம்பத்தில் இந்த ஸ்பாட்டிங் கரு உள்வைப்பு முறை ரத்தபோக்கு உண்டாக்க கூடும். 

இது கருத்தரிப்பு நிகழுவதற்கான காலத்தோடும் இருக்கலாம்.

பாதுகாப்பற்ற உடலுறவுகொண்டிருக்கும் போது மாதவிடாய் ஒழுங்கற்று இருக்கலாம். 

ஆனால் இது மாதா மாதம் நடக்ககூடியதல்ல என்பதால் இதை எளிதாக அடையாளம் காணமுடியும்.

இவை தவிர வேறு பொதுவான காரணங்களாக பாலிசிஸ்டிக் ஓவரியன் சிண்ட்ரோம், எண்டோமெட்ரியோசிஸ், தைராய்டு, நார்த்திசுக்கட்டிகள், இடுப்பு அழற்சி நோய் போன்றவற்றாலும் இந்த மாதவிடாய் கோளாறுகள் அதாவது மாதவிடாய் சீரற்று வருவது உண்டாகும்.

​எப்போது மருத்துவரை பார்ப்பது

திருமணத்துக்கு பிறகு மாதவிடாய் பிரச்சனை ஒழுங்கற்ற மாதவிடாய் சுழற்சி இருந்தால் நீங்கள் ஒவ்வொரு மாதமும் உங்கள் மாதவிடாய் சுழற்சியை கவனிக்க வேண்டும்.

தொடர்ந்து உங்கள் மாதவிடாய் சுழற்சி மூன்று மாதங்கள் வரை இப்படி இருந்தால் நீங்கள் மருத்துவரை சந்திப்பது நல்லது.

குறிப்பாக மாதவிடாய் தள்ளி போகும் போது நீங்கள் கருத்தரிக்கவில்லையென்றால் அது மருத்துவரை சந்திக்க வேண்டிய காலம் என்பதை உணருங்கள்.

அதோடு வழக்கத்தை காட்டிலும் அதிக சோர்வு, தலைவலி, கூடுதல் உதிரபோக்கு போன்ற பிரச்சனைகளும் ஒழுங்கற்ற மாதவிடாயோடு இருந்தால் ஆரம்ப கட்டத்திலேயே மருத்துவரை அணுகுவது நல்லது.