கோரோணாவிலிருந்து தப்பிக்க இது தான் ரொம்ப முக்கியம்..

நாம் தொற்றுநோயிலிருந்து தப்பிக்க வேண்டும் என்றால் நம் நோயெதிரிப்பு சக்தியை வலிமையாக வைத்துக் கொள்ள வேண்டும். அதற்கு வைட்டமின் சி நிறைந்த ஊட்டச்சத்து உணவுகள் மிக அவசியம். அவற்றை என்னென்ன உணவிலிருந்து பெறலாம் என்பதை இங்கே பார்க்கலாம்.

நம் நோயெதிரிப்பு சக்திக்கும் நாம் சாப்பிடும் உணவிற்கும் நிறையவே தொடர்பு உள்ளது. ஏனெனில் ஆரோக்கியமான உணவுகளை எடுத்துக் கொண்டால் தான் நம் நோயெதிரிப்பு அமைப்பும் வலிமையாக இருக்கும்.

அதற்கு விட்டமின் சி அடங்கிய உணவுகளை எடுத்துக் கொள்ள வேண்டியது அவசியம் என்கிறார்கள் ஊட்டச்சத்து நிபுணர்கள்.

​நோயெதிர்ப்பு மண்டலம்

நம்மால் நோய்களை எதிர்த்து போராட முடியும். அதுவும் இந்த கொரோனா தொற்று போன்ற கால கட்டத்தில் இருந்து நாம் தப்பிக்க ஒரே வழி நம்முடைய நோயெதிரிப்பு அமைப்பை வலுவாக வைத்திருப்பது மட்டுமே.

நாம் கொரோனாவில் இருந்து தப்பிக்க வெளியே செல்லும் போது மாஸ்க் அணிதல், கைகளைக் கழுவுதல், சமூக இடைவெளியை மேற்கொள்ளுதல் போன்ற பல விஷயங்களை நாம் செய்தாலும் நம்முடைய நோயெதிரிப்பு சக்தியை அதிகரிக்கவும் முயல வேண்டும்.

அப்பொழுது நம் உடலில் இயற்கையாகவே உருவாகும் ஆன்டி பாடகிகள் கொரோனோ போன்ற அந்நிய வைரஸை நம் உடலினுள் நுழைய விடாமல் தடுக்கும். இதன் மூலம் தொற்று நோயில் இருந்து நம்மை நாம் பாதுகாத்துக் கொள்ள முடியும்.

​நெல்லிக்காய்

நெல்லிக்காய் இந்தியாவின் சிறந்த பழமாகும். இது ஊட்டச்சத்துக்களால் நிரம்பியுள்ளது. நிறைய ஆரோக்கிய நன்மைகளை நமக்கு வழங்குகிறது. இதில் உள்ள விட்டமின் சி சத்து ஒரு சக்தி வாய்ந்த ஆக்ஸினேற்றியாக செயல்படுகிறது இது நம் நரம்பு மண்டலம், நோயெதிர்ப்பு அமைப்பு மற்றும் சருமத்திற்கு நன்மை பயக்கும்.தினசரி ஒரு இந்திய நெல்லிக்காயை சாப்பிட்டு தினசரி விட்டமின் சி அளவில் 46 சதவீதத்தை பூர்த்தி செய்ய முடியும். இது நம் வளர்சிதை மாற்றம், எலும்பு உருவாக்கம், இனப்பெருக்கம் மற்றும் நோயெதிரிப்பு சக்தியை அதிகரிக்கும் மாங்கனீசு போன்ற ஏராளமான நன்மைகளையும் ஊட்டச்சத்துக்களையும் வழங்குகிறது.

​ஆரஞ்சு பழங்கள்

ஆரஞ்சி ஒரு சிட்ரஸ் பழம் மட்டுமல்ல வலிமையான நோயெதிரிப்பு சக்தியை கொடுக்கக் கூடியது. இதில் நிறைய விட்டமின்கள் மற்றும் தாதுக்கள் உள்ளன. 100 கிராம் ஆரஞ்சு பழத்தில் 53.2 மி. கி விட்டமின் சி மற்றும் ஆன்டி ஆக்ஸிடன்கள் உள்ளன. இந்த இரண்டு பொருட்களுமே நோயெதிரிப்பு சக்தியை அதிகரித்து நோயினால் செல்கள் பாதிக்கப்படுவதை தடுக்கிறது. மேலும் இதில் விட்டமின் டி இருப்பது நம் நோயெதிரிப்பு அமைப்பை ஒழுங்குபடுத்த உதவுகிறது.

பப்பாளி

பப்பாளி பழம் பல நூற்றாண்டுகளாக வியாதிகளை குணப்படுத்த பயன்படுகிறது. ஒரு நடுத்தர அளவிலான பப்பாளிப்பழத்தில் தினசரி பரிந்துரைக்கப்பட்ட வைட்டமின் சி இருமடங்கு அளவு உள்ளது. பப்பாளியில் பாப்பேன் எனப்படும் செரிமான நொதிகள் காணப்படுகின்றன. இது அழற்சி எதிர்ப்பு பண்புகளைக் கொண்டு இருப்பதால் வைரஸ் தொற்றை எதிர்த்து போராடுகிறது. மேலும் பப்பாளி பழத்தில் பொட்டாசியம், மெக்னீசியம் மற்றும் ஃபோலேட் ஆகியவை உள்ளன. இவை அனைத்தும் உங்கள் சருமம், நோய் எதிர்ப்பு சக்தி மற்றும் ஒட்டுமொத்த ஆரோக்கியத்திற்கு நன்மை பயக்கும் ஊட்டச்சத்துக்கள் ஆகும்.

​குடை மிளகாய்

நாம் அடிக்கடி புறக்கணிக்கும் இந்த காய் அதிக நோயெதிரிப்பு சக்தியை தரக் கூடிய காயாகும். இதில் சிட்ரஸ் பழங்களுக்கு சமமான அளவு விட்டமின் சி காணப்படுகிறது. இந்த குடைமிளகாயில் உள்ள விட்டமின் சி, பீட்டா கரோட்டின் போன்ற பொருட்கள் நோயெதிரிப்பு சக்தியை அதிகரிக்கும், சரும ஆரோக்கியம் மற்றும் கண்களின் ஆரோக்கியத்தை மேம்படுத்துகிறது. பலவீனமான நோயெதிரிப்பு அமைப்பின் முக்கிய காரணமான ஆக்ஸிஜனேற்ற அழுத்தத்தை குறைத்து செல்கள் பாதிக்கப்படுவதை தடுக்கிறது.

​கொய்யாப்பழம்

கொய்யாப்பழம் அதிகளவில் விட்டமின் சி அடங்கிய பழமாகும். இது நம் தினசரி தேவைக்கான விட்டமின் சி அளவை விட இருமடங்கு விட்டமின் சியை வழங்குகிறது. ஒரு ஆரஞ்சு பழத்தை விட அதிகமான விட்டமின் சி இந்த கொய்யாபழத்தில் உள்ளது. இந்த பழத்தில் அதிக அளவு பொட்டாசியம், கால்சியம் மற்றும் இரும்புச்சத்து உள்ளது. ஆண்டிமைக்ரோபியல் பண்புகள் நோய்த்தொற்றுக்கு வழிவகுக்கும் தீங்கு விளைவிக்கும் பாக்டீரியாக்கள் மற்றும் வைரஸ்களைக் கொல்ல உதவும். மேலும் நம் நோயெதிரிப்பு சக்தியை வலிமையுடன் வைத்திருக்க உதவுகிறது.

​லெமன்

லெமனில் விட்டமின் சி மற்றும் நிறைய ஆன்டி ஆக்ஸிடன்கள் உள்ளன. இவை நோய்க்கிருமிகளை எதிர்த்து போரிடவும், நோயெதிரிப்பு மண்டலத்தை வலுப்படுத்தவும் உதவுகிறது. இந்த சிறிய பழத்தில் தியாமின், ரைபோஃப்ளேவின், வைட்டமின் பி -6, பாந்தோத்தேனிக் அமிலம், தாமிரம் மற்றும் மாங்கனீசு போன்ற சத்துக்கள் அடங்கியுள்ளன.

எனவே மேற்கண்ட உணவுகள் நம் நோயெதிரிப்பு அமைப்பை வலுவாக வைத்திருக்க கை கொடுக்கிறது. இந்த உணவுகளை நம் அன்றாட உணவில் சேர்த்து நோயில்லாமல் வளமுடன் வாழ்வோம்.