வயிறு உப்பசமாக இருக்கும்போது தயிர் சாப்பிடலாமா? சாப்பிட்டால் என்ன ஆகும்?

சில பேருக்கு வயிறு வங்கிப் போய் உணவு சீரணிக்க முடியாமல் கஷ்படுவார்கள். இப்படி அடிக்கடி வயிறு வீக்கத்தால் அவதிப்படுபவர்கள் கீழ்க்கண்ட உணவுகளை எடுத்து பயன் பெறலாம்.

    

இன்றைய காலகட்டத்தில் வயிறு வீக்கம் ஒரு பெரிய பிரச்சினையாக இருப்பதற்கு முக்கிய காரணம் நாம் உண்ணும் உணவுப் பழக்கம் தான். அதே நேரத்தில் சில வகை ஆரோக்கியமான உணவுகளைக் கொண்டு நம் வயிறு வீக்கத்தை விரட்டவும் முடியும் என்கிறார்கள் ஊட்டச்சத்து நிபுணர்கள். இந்த வயிறு வீக்கம் ஏற்பட்டால் தொடர்ச்சியான சோம்பல், பசியின்மை, வயிறு மந்தம் மற்றும் வயிற்று வலி ஆகியவற்றை அனுபவிக்க கூடும். இந்த மாதிரியான வயிறு வீக்கம் ஏற்படுவதற்கு என்னென்ன காரணங்கள் மற்றும் வயிறு வீக்கத்தை போக்கும் உணவுகளை பற்றி நாம் அறிந்து கொள்வோம்.

​வயிறு உப்பசம் ஏற்படுவதற்கான காரணங்கள்

எரிச்சலூட்டும் குடல் நோய்க்குறி, குடல் பிரச்சினைகள், சாப்பிடுவதில் ஏற்படும் சிக்கல்கள் போன்றவை நமக்கு வயிறு வீக்கத்தை உண்டாக்குகிறது.

உங்களுக்கு எரிச்சலூட்டும் குடல் நோய்க்குறி பிரச்சினைகள் இருந்தால் உடனடியாக மருத்துவரை அணுகி சிகிச்சை பெறுவது நல்லது.

​வயிறு வீக்கத்தை போக்கும் உணவுகள்

தேங்காய் பால், சோயா பால் மற்றும் பால் இவற்றில் இருந்து பெறப்படும் யோகார்ட் பொருட்களில் நிறைய புரோபயாடிக்குகள் உள்ளன. இவை நம் குடல் ஆரோக்கியத்திற்கு மிகவும் சிறந்தது. இந்த புரோபயாடிக் உணவுகள் வயிறு வீக்கத்தை போக்கும். ஏனெனில் புரோபயாடிக் உணவுகள் நல்ல குடல் பாக்டீரியாக்களை அதிகரிக்கவும், நோய் எதிர்ப்பு சக்தியை அதிகரிக்கவும், உங்கள் இதயத்தைப் பாதுகாக்கவும், வயிற்றுப்போக்கு, மலச்சிக்கல் மற்றும் வீக்கம் போன்ற குடல் பிரச்சினைகளை எளிதாக்கவும் உதவுகின்றன.

வயிறு வீக்கத்திற்கு தயிரை எப்படி எடுத்துக் கொள்ளலாம்

தயிர் ஒரு மலிவான பொருள் மட்டுமல்ல எளிதில் கிடைக்கும் பொருளும் கூட. உங்களுக்கு பிடித்த பழங்கள் மற்றும் நட்ஸ் வகைகளுடன் தயிரை எடுத்து வரலாம். இது உங்களுக்கு ஒரு சிறந்த காலை உணவாக இருக்கும்.

இதை பூண்டு, மசாலாப் பொருட்களுடன் சேர்த்து இரவு உணவிற்கு சுவையான டின்னர் தயாரிக்கலாம். அதே நேரத்தில் இனிப்பு சுவையூட்டப்பட்ட தயிரை எடுக்காதீர்கள். இதில் சர்க்கரை சேர்க்கப்படுவதால் உங்களுக்கு தீங்கு விளைவிக்க வாய்ப்பு உள்ளது.

எனவே உங்க வயிறு வீக்க்கத்தை போக்க தயிர் சிறந்த ஒன்றாக இருக்கும்.