கர்ப்பப்பை வாய் சளி என்றால் என்ன.. எப்படி உருவாகிறது.. நன்மைகள் என்ன.. ?

கர்ப்பப்பை வாய் சளி என்பது கருப்பை வாயால் உற்பத்தி செய்யப்படும் ஒரு திரவம். மாதவிடாய் சுழற்சி முழுவதும் இந்த கர்ப்பப்பை வாய் சளி மாறுகிறது. இது ஈரமான மற்றும் வழுக்கும் தன்மையை கொண்டுள்ளது. கர்ப்பப்பை வாய் சளி இருப்பது கருவுறுதலை குறிக்கிறது. இந்த நாட்களில் வெளியேற்றமானது அண்டவிடுப்பின் போது விந்தணுக்கள் முட்டைக்குள் நீந்துவைதை எளிதாக்குகிறது. இது கருத்தரிக்க வாய்ப்பிருப்பதை சொல்லும் அறிகுறியாக சொல்லலாம். இது குறித்து தெரிந்துகொள்வோம்.

கர்ப்பப்பை வாய் திரவம் அல்லது வெளியேற்றம் என்பது கருப்பை வாயில் உருவாகி பிறகு யோனி வழியாக வெளியேற்றப்படும் ஜெல் போன்ற பொருள் ஆகும். இது மாதவிடாய் சுழற்சியின் போது ஒவ்வொரு நிலையாக வெளியேறும். உடலில் ஹார்மோன் ஏற்ற இறக்க அளவுகள் கர்ப்பப்பை வாய் சளியின் தடிமன் மற்றும் அளவு போன்றவற்றில் மாற்ற ஏற்படுத்தும். கர்ப்பப்பை வாய் சளி மற்றும் மாதவிடாய் சுழற்சி முழுவதும் எப்படி மாறுகிறது என்பதை பற்றி அறிந்து கொள்வோம்.

கர்ப்பப்பை வாய் சளி பெண் இனப்பெருக்க அமைப்பின் இயற்கையான ஒரு நிகழ்வு. இது முக்கிய பெண் பாலின ஹார்மோனான ஈஸ்ட்ரோஜன் அளவு அதிகரிப்பதால் ஏற்படுகிறது. மாதவிடாய்ச் உழற்சி ம்ழூவதும் இவற்றின் அளவு மற்றும் நிலைத்தன்மை ஹார்மோன் ஏற்ற இறக்கங்களுக்கேற்ப மாறும். உள்ளாடைகளில் அல்லது கழிப்பறையை பயன்படுத்தி சுத்தம் செய்யும் போது கர்ப்பப்பை வாய் சளி இருப்பது அறியலாம். இது இனப்பெருக்க ஆரோக்கியத்தில் முக்கிய பங்கு வகிப்பது குறிப்பிடத்தக்கது.