Itching During Pregnancy : கர்ப்பகாலத்தில் மார்பு, பெண் உறுப்பு, ஆசனவாய் பகுதியில் அரிப்பு எல்லோருக்கும் வருமா?என்ன செய்வது?
எல்லோருமே ஏதாவது ஒரு வயதில் எதிர்கொள்ளும் பிரச்சனை தோல் அரிப்பு. கர்ப்பகாலத்தில் வாந்தி, குமட்டல், சோர்வு போன்று சில பெண்கள் தோல் அரிப்பு பிரச்சனையையும் சந்தித்திருக்கலாம். ஏன் கர்ப்பகாலத்தில் இந்த தோல் அரிப்பு பிரச்சனையை எதிர்கொண்ட பெண்கள் உங்களில் ஒருவராகவும் கூட இருக்கலாம். இவை ஏன் உண்டாகிறது, இதற்கு என்ன காரணம், இதை தவிர்க்க முடியுமா என்பது பற்றி இந்த பதிவில் தெரிந்துகொள்வோம்.
Itching During Pregnancy : கர்ப்பகாலத்தில் மார்பு, பெண் உறுப்பு, ஆசனவாய் பகுதியில் அரிப்பு எல்லோருக்கும் வருமா?என்ன செய்வது?
எல்லோருமே ஏதாவது ஒரு வயதில் எதிர்கொள்ளும் பிரச்சனை தோல் அரிப்பு. கர்ப்பகாலத்தில் வாந்தி, குமட்டல், சோர்வு போன்று சில பெண்கள் தோல் அரிப்பு பிரச்சனையையும் சந்தித்திருக்கலாம். ஏன் கர்ப்பகாலத்தில் இந்த தோல் அரிப்பு பிரச்சனையை எதிர்கொண்ட பெண்கள் உங்களில் ஒருவராகவும் கூட இருக்கலாம். இவை ஏன் உண்டாகிறது, இதற்கு என்ன காரணம், இதை தவிர்க்க முடியுமா என்பது பற்றி இந்த பதிவில் தெரிந்துகொள்வோம்.
கர்ப்பகாலத்தில் அரிப்பு என்பது பொதுவானதா?
கர்ப்பிணி எல்லோருமே இந்த பாதிப்பை கொண்டிருப்பதில்லை என்றாலும் 20% கர்ப்பிணி பெண்கள் கர்ப்பகாலத்தில் இலேசான அரிப்புகளை கொண்டிருப்பார்கள். இது எப்போது வேண்டுமானாலும் வரலாம். இது எரிச்சலூட்டும் மற்றும் சங்கடமானதாக இருக்கும். இது குறித்து கவலை இருந்தால் மருத்துவரிடம் பேசுவது நல்லது. அரிப்பு இருக்கும் போது வேறு எதிலும் கவனம் செலுத்துவது கடினமாக இருக்கும். பிரசவம் பிறகு இவை மறைந்துவிடும் என்பது குறிப்பிடத்தக்கது.
கர்ப்பிணிக்கு தோல் அரிப்பு எங்கெல்லாம் இருக்கும்?
கர்ப்பிணி பெண்ணுக்கு தோல் அரிப்பு என்பது பெரும்பாலும் வயிற்றில் இருக்கும். அல்லது உடலில் வேறு இடங்களில் அரிப்புகளை அனுபவிப்பார்கள். இந்த அரிப்பு தொப்பை பெரிதாவதால் ஏற்படுகிறது. குழந்தை வளர வளர கருப்பை இடமளிக்க தொடங்குவதால் தொப்பை பெரிதாகும். இது வறண்ட செதில்களாக சருமம் நீட்டப்படும். சில நேரங்களில் சொறியை ஏற்படுத்தும். இந்த அரிப்பு மார்பகங்கள், வயிறு, தொடைகள், பிட்டம் அல்லது மேல் கைகள் என நீட்டிக்கலாம். இடங்களுக்கேற்ப பெயர் அழைக்கப்படும். தோல் நீண்டு நெகிழ்ச்சித்தன்மையை இழக்கும் போது சருமம் விரிவடையும். அதற்கேற்ப அரிப்புகள் இருக்கும்.
கர்ப்பிணிக்கு மார்பகங்கள் அரிப்பு ஏன் உண்டாகிறது?
கர்ப்பகாலத்தில் மார்பகங்கள் அரிப்பு ஏற்பட்டால் அது மற்ற இடங்களில் அரிப்பு போன்ற அதே காரணத்தினால் இருக்கும். இது தோல் விரிவடைகிறது. நீட்டுகிறது. மற்றும் வறட்சியால் உண்டாகிறது. ஆரம்ப கர்ப்பகாலத்தில் மார்பகங்களில் சில அரிப்பு மற்றும் குறிப்பிடத்தக்க மாற்றங்களை கவனிக்கலாம். முதல் மூன்று மாதங்களில் மார்பக வளர்ச்சி கொழுப்பு மற்றும் பால் சுரப்பிகளின் விரிவாக்கத்தால் ஏற்படும். அதே நேரம் கர்ப்பகாலத்தில் முலைக்காம்பு அரிப்பு இருக்கலாம். முலைக்காம்பு மற்றும் அதை சுற்றியுள்ள இடங்களிலும் அரிப்பு இருக்கலாம்.
கர்ப்பிணிக்கு யோனி அரிப்பு ஏன் உண்டாகிறது
கர்ப்பகாலத்தில் யோனி அரிப்பு மற்றும் சிறுநீர்க்குழாய் சுற்றி அரிப்பு, சில நேரங்களில் ஏற்படலாம். இது சில நேரங்களில் என்றாலும் கர்ப்பம் முன்னேறும் போது இவை அதிகரிக்க வாய்ப்புண்டு. இதனால் பெண் உறுப்பில் எரிச்சல், வலி, யோனி வெளியேற்றம் போன்றவற்றை பார்க்கலாம். கர்ப்பகாலத்தில் ஹார்மோன் ஏற்ற இறக்கமும் பெண் உறூப்பில் பிஹெச் அளவை மாற்றும். இது ஈஸ்ட் தொற்றுக்கு வழிவகுக்கும். இவையும் கூட கர்ப்பகாலத்தில் அரிப்பை உண்டு செய்யும். இவை சாதாரணமாக இருந்தாலும் சங்கடமானதாக இருக்கலாம். அதே நேரம் பிரசவத்துக்கு பிறகு இவை மறைந்துவிடலாம். ஈஸ்ட் தொற்றாக இருந்தால் மருத்துவ சிகிச்சை அவசியம்.
கர்ப்பிணிக்கு ஆசனவாய் அரிப்பு ஏன் உண்டாகிறது?
கர்ப்பிணிக்கு குத அரிப்பு உண்டாவதற்கும் வாய்ப்புண்டு. அந்தரங்க உறுப்புகளில் ஏற்படும் அரிப்புகள் குத அரிப்பு உண்டு செய்யலாம். இவை இன்னும் மோசமானது. ஹார்மோன்கள் மாறுவதால் இவை உண்டாகலாம். சில நேரங்களில் மூலநோய் உருவாகலாம். இதனால் ஆசனவாய் மற்றும் மலக்குடலை சுற்றி வீங்கிய இரத்த நாளங்கள் உண்டு செய்யலாம். இவை கர்ப்ப அறிகுறியால் வரும் மலச்சிக்கல். இதற்கு ஹார்மோனும் காரணம், ஆசனவாய் அரிப்புக்கு சிகிச்சை அவசியம்.
கர்ப்பிணிக்கு கடுமையான அரிப்பு ஆபத்தா?
கர்ப்பகாலத்தில் ஏற்படும் அரிப்பு எதுவாக இருந்தாலும், எந்த இடத்தில் இருந்தாலும் குறிப்பாக பிறப்புறுப்பு அரிப்பு உட்பட இலேசானதாக இருந்தாலும் கடுமையானதாக இருந்தாலும் மருத்துவரை அணுகும் போது ஆலோசிப்பது நல்லது.
மூன்றாம் ட்ரைமெஸ்டரில் 7 முதல் 9 வது மாதங்களில் கடுமையான அரிப்பு என்பது அலட்சியப்படுத்தக்கூடியதல்ல.
கர்ப்பத்தின் மூன்றாவது மூன்று மாதங்களில் குறிப்பாக உள்ளங்கைகள் மற்றும் கால்களில் அரிப்பு இருந்தால் அது கல்லீரல் நோயான கொலஸ்டாசிஸ் குறிக்கலாம். இது கல்லீரலை பாதிக்கும். இந்நிலையில் வயிற்றில் இருக்கும் குழந்தைக்கும் ஆபத்தாக இருக்கலாம்.
கர்ப்பிணிகளுக்கு அதிக அரிப்புகளை தூண்டக்கூடிய மற்றொரு நிலை சிவப்பு மற்றும் தடித்த தோல் நிலைகளுடன் அது pruritic urticarial papules and plaques of pregnancy என்று அழைக்கப்படுகிறது. இது முதல்முறை கருவுற்றிருக்கும் போது அல்லது பல மடங்கு கர்ப்பம் கொண்டிருப்பவர்களுடன் பொதுவானது. இந்த அரிப்பு குழந்தைக்கு ஆபத்து உண்டு செய்யாது ஆனால் கர்ப்பிணிக்கு அதிக உபாதையை அளிக்கும்.
Comments
Post a Comment