Long Distance Relationship - ல மகிழ்ச்சியா இருப்பது எப்படி!

உண்மையில் இந்த ரிலேஷன்ஷிப்பில் தம்பதி அல்லது காதலர்களுக்கு இடையில் இருக்கும் காதல், நம்பிக்கை, பாசம், அர்ப்பணிப்பு போன்றவை இருமடங்காக அதிகரிக்க உதவும் பெரிய வாய்ப்பு. இருப்பினும், பல்வேறு காரணிகள் தம்பதிகளுக்கு இடையில் பிரச்சனைகளை தூண்டலாம்.

அவற்றிற்கு இடமளித்துவிட்டால் உறவே முடியும் அளவுக்கு சென்றுவிடும். எனவே, எவ்வளவு தூரத்தில் இருந்தாலும் உறவில் அன்பும் பாசமும் அதிகரிக்க தம்பதிகள் செய்ய வேண்டிய விஷயங்கள் என்னவென்று பார்க்கலாம்.

லாங் டிஸ்டன்ஸ் ரிலேஷன்ஷிப்பில் கம்யூனிகேஷன் இன்றியமையாத ஒன்று. அழைப்புகள் மற்றும் குறுஞ்செய்திகள் மூலம் எண்ணங்கள், உணர்வுகள் மற்றும் அனுபவங்களை பகிர்ந்துகொள்வது நெருக்கத்தை அதிகரிக்கும்.

ஆனால், அதற்காக ஒரு நாளைக்கு 12 மணிநேரமும் தொடர்பில் இருக்க வேண்டும் என்று அவசியம் இல்லை. ஏனென்றால், இது இருவருக்குமே சலிப்பை உண்டாக்கிவிடும். தொடர்பு முக்கியம் தான் ஆனால் அடிக்கடி வேண்டாம்.

உங்க பாட்னருக்கு பிடித்த ஏதாவது பொருட்களை வாங்கி அதை கிஃப்ட் செய்து, அவர் இருக்கும் இடத்திற்கு வாங்கி அனுப்பி அவர்களை சர்ப்ரைஸ் பண்ணலாம். இது உறவில் அன்பைத் தக்க வைத்துக்கொள்ள உதவும். மேலும், உங்க பாட்னர் உங்களுக்கு எவ்வளவு முக்கியம் என்பதை உணர்த்தும்.

யாருக்கு தான் வேலை இல்லாமல் இருக்கிறது. எனவே, எவ்வளவு பிஸியாக இருந்தாலும் உங்க பாட்னருக்காக என்று சிறிது நேரம் ஒதுக்க வேண்டும். அதற்காக தினமும் கூட பேச வேண்டும் என்று அவசியமில்லை. வாரத்திற்கு ஒருமுறை நேரம் மற்றும் தேதியை தேர்ந்தெடுத்து, வீடியோ கால் மூலம் இருவரும் சேர்ந்து சமைப்பது, அந்த வாரத்தில் நடந்த விஷயங்களை பகிர்ந்து கொள்வது போன்றவற்றை செய்யலாம்.

எந்தவொரு உறவிலும், குறிப்பாக நீண்ட தூர உறவுகளில் சண்டை சச்சரவுகள் ஏற்படுவது இயல்பு. இதனால், தம்பதிகள் ஒருவருக்கொருவர் பேசுவதை நிறுத்திவிடுவார்கள். இதை அப்படியே விட்டுவிட்டால் உறவு பிரிவை நோக்கி சென்றுவிடும். எனவே, ஏதாவது தவறான புரிதலோ அல்லது சண்டையோ இருந்தால், இருவரும் கலந்துப்பேசி பிரச்சனையை உடனே தீர்த்துக் கொள்ளுங்கள்.

உண்மையில், ஒவ்வொரு லாங் டிஸ்டன்ஸ் ரிலேஷன்ஷிப்பிலும் தனது பாட்னரின் சர்ப்ரைஸ் வருகை என்பது சொல்ல முடியாத மகிழ்ச்சியை தரக்கூடியது. எனவே, எவ்வளவு தூரமாக இருந்தாலும் சரி, வருடத்திற்கு ஒருமுறையோ அல்லது உங்க துணையின் பிறந்த நாள் அன்று அவரை பார்க்க வந்து சர்ப்ரைஸ் செய்யுங்கள்.